Blog

De terralhas coma al Neolitic

20180308_123734

Dins l’encastre de l’istòria, los calandrons de la classa dels bèlses sosquèron sus l’artesanat al Neolitic. Al Neolitic apareis lo teissut, las banastas al vim e tanben las primièras terralhas. Aquelas d’aquí servissián per lo manjar, la conservacion dels produches…..

Aprèp aver espepissar la tecnica amb l’ajuda d’una reconstitucion, se sèm pelats a una vertadièra realisacion.

TECNICA

1/Dins un primièr temps, faguèrem un redond espés d’un mièg centimètre. Es lo fons del potarron.

2/ Sus aquel redond , estripèrem lo bòrd  amb una cura-dent. Amb la barbotina ( mescla d’aiga e d’argèla), passèrem un pincèl suls rebòrds del redond. Aquela d’aquí servís de pega entre lo fons e los costats

3/Dins un segond temps, bastiguèrem entre 2 e 3 colombins. Servisson a montar los costats pichon a pichon.

4/ Montam los costats amb l’ajuda dels colombins.Los cal faire pegar al fons e los cal pegar los uns contre los autres. Per aquò far, sufís de quichar los costats amb lo crusca-pesolh. Los costats seràn lisses.

Nos manquèt de los faire còire mas en lo daissar secar tranquilament , balha un polit resultat.

CONCLUSION

Se sèm apercebuts que los òmes del Neolitic  èran pas tan piòts qu’aquò. Remarquèrem qu’èra pas tan simple qu’aquò e que se caliá plan concentrar per capitar de plan. 20180308_123723