Blog

Cossi se fargan las colors?

20170912_163735

Bastiguèrem una experiéncia per mostrar que las colors, en se mesclant, fan d’autras colors.

 

Experiéncia:

20170912_143211

1/Metèrem tres veires: 1 amb de liquide blau, 1 amb de liquide roge e lo darrèr amb de liquide jaune.

2/ Entre las tres colors primàrias, placèrem tres veires voides.

3/ Botèrem de « sopalin »‘ que fasian de ponts entre cada veire.

Podèm veire:

Lo « sopalin » a absorbat los liquides colorats. « A begut! » Los liquides an prés los ponts per anar dins los veires voides. Los liquides se son mesclats entr’eles.

Lo resultat:

20170912_163722

Balhèt de colors novèlas. Entre lo roge e lo jaune, avèm l’irange. Entre lo roge e lo blau, avèm lo violet. Entre lo blau e lo jaune, avèm lo verd.

Podèm dire:

Per capilaritat las colors se rejonhan per balhar las colors segondàrias que son : lo verd, lo violet e l’irange.